Ar Rannvro, dre ma oar ez eo mall-bras ober un dra bennak evit an hin ha ma vez goulennet kalz gant ar vevezerien, a gont war an nerzh stroll evit ober eus Breizh ar Rannvro er penn a-raok evit an « Debriñ-mat » en Europa. Evit harpañ treuzkemm ekonomikel hag endroel filierennoù ar boued e pled gant c’hwec’h ahel pennañ :
- Kas ar prenañ publik ha keodedel war an tu mat
- Skoazellañ da vat ar filierennoù engouestlet
- Gouzout nevesaat atav
- Produiñ ha treuzfurmiñ ar boued en un doare padus hag atebek
- Dasparzhañ ar varc’hadourezh dre ar rouedadoù tost hag atebek
- Talvoudekaat ar chemet ha kalite produioù Breizh
Perzhioù mat he deus ar Rannvro da lakaat da dalvezout : anavezet mat eo barregezh he labourerien-douar hag he fesketaerien, dreist eo an heuliadusted hag ar surentez yec’hedel, barrek eo war an neveziñ, efedus eo ar reizhiad stummañ ha solut eo ar rouedad embregerezhioù.
Loïg Chesnais-Girard, Prezidant Rannvro Breizh
