Evit ar wech kentañ e Frañs : e burevioù-post zo e vioc’h sikouret da zibab ho pilhed BreizhGo.

Lañset e vo un taol-arnod, gant Rannvro Breizh asambles gant ar stroll Ar Post, evit sikour an implijerien pa rankont prenañ teulioù treuzdougen BreizhGo evit an trenioù hag ar c’hirri-boutin, e meur a vurev-post e Breizh. Abaoe al Lun 7 a viz Ebrel eur krog gant an ober-se ha n’en deus ket e bar e Frañs evit klask skoulmañ liammoù startoc’h etre ar servijoù publik hag an dud abalamour da aesaat dezho beajiñ.  

Un taol-arnod e-kreiz chanter an enlakaat niverel hag ar fiñvusted

Un nebeud devezhioù zo e c’hall an dud e Kastellin, Gwened-Menemeur, Kintin ha Planfili – ha tud Ploermael goude-se da vare an adkrog – mont d’an ti-post en o c’humun evit prenañ teulioù treuzdougen ar rouedad BreizhGo.

10 miz e pado an taol-arnod-se hag a zo diazezet war :

• Ur c’horn niverel, staliet e pep burev evit mirout enlinenn ha moullañ ar bilhedoù en un doare aes ;

• Implijidi eus Ar Post karget d’ober war-dro ar pratikoù, da skoazellañ an implijerien a-hiniennoù en o difraeoù, da reiñ titouroù dezho war an hentoù hag ar prizioù e talvoud.

Partager :

• Partager cette page sur Facebook
• Partager cette page sur Bluesky
• Partager cette page sur Linkedin
• Imprimer