Aller au contenu

Pour dire vif : l’assembllée su le prizaije 2023

De hip e de hap

2 Mâ 2023

5 minutes pour lère ela

Les 13, 14 e 15 du maez de feverier, les 83 consaillérs-eres rejionaos-ales du Consail rejiona votite le prizaije 2023. Un prizaije sonjë come ene « amortissouer socia » a sour fin qe l’ajie rejionale seraet pus fezante e q’ole enrayeraet a pâsser .

(© Thomas Crabot)
  • 1,86miliards d’€
    prizaije 2023
  • 773 M€
    de pllacement-fezant (+10,3% a-vûe 2022)

Raport a toute la doutance qe n-i a astoure-ci, la Rejion Bertègn abutit, durant l’assembllée de prizaije-la, qe falaet forci ses engaijements e qe falaet mettr la main pus fôt. De la secousse, n-i ara core pus fôt d’ajie publliqe l’anée-li, permier o le prizaije q’ara fèt un crû de 8% a-vûe 2022. Un bon morcè du prizaije-la sera minz den le pllacement-fezant (42% du prizaije).

Lére la précherie d’entamâ ao Perzident Loïg Chesnais-Girard

Les principaos aboutements du prizaije 2023 :

  • Amorti les rencherdissements, o le feu q’ét den l’enerjie e le renchier qe n-i a astoure, en méme temp qe de mettr la beche su les passaijes,
  • Pargarder l’ofr de services publlics (licës e charais),
  • Fllejer les prizaijes de la qhulture, de l’esport e des parlements de Bertègn,
  • Pargarder l’achetouere des familles
  • Fére les chouéz q’i faot pour repondr, permier, és bezains du tous les jous des Bertones e des Bertons

Le prizaije-la montere ben qe la Rejion a le dezir de mettr la main le pus q’o peut pour la Bertègn e ses fezous, enterprinzes, consorteries e demeurants. Meins dame raport ao renchier, la Rejion a de raféçoner son estratejie pour c’qe n-i a des elijes o pus fôt d’emprét e en ghettant l’arjient âillou : mettr a crétr la taosse su les cartes paivrs, parème ou ben core revaer les coûtaijes des charais entr-viles de la rézille BreizhGO (chertès e trains).

Raport a la monvéze berouée d’astoure, enjiner des nouvelles menieres d’ajies

Parai come en 2022, le prizaije 2023 s’orine su traez grands engaijemens pour repondr és defis d’astoure e su 5 aboutements traversiérs pour bâti l’ajie de la Bertègn :

  • Étr benéze d’étr fèt partout en Bertègn : ene ofr alivrée de formézons e d’empllais, de charais e de services publlics du prés.
  • Pus fôt d’empllais e ben meins de qèrbone : ene economie qi cret den les passaijes pour lever des alivetées d’aviendr (le bon nouri, cibersuretë, economie blleuve) o, tenant ao runje, de ne pouint baire le let come la vache le done.
  • Pus fôt de Bertègn : tarvâiller en etrârie o les 60 enter-qemunes bertones pour amarer l’ajie publliqe su tout c’q’a a-revaer o les mouvancetës, la terre, l’iao e l’enerjie. Pus fôt de Bertègn ‘la q’ét etout s’apouyer su la filomie, la qhulture, les parlements e l’entr-partaijerie pour se fére oui, ou ben core pour perpôzer e assayer des nouvelles menieres de ragaillerie de pouvouèrs.

Tourism : étr pus perchain des terrouèrs

O le prizaije 2023, l’etrârie o les 10 terrouèrs d’enrets touristiqes ét forci o ene nouvelle mecaniqe a aïder le monde qe mene la Rejion Bertègn. Pour le cai-la core, la Rejion perpôzera de cai aféçonë pour chaqe des terrouèrs-la en sonjant ben qe tous les terrouèrs sont pouint en biao parai.

Ene meniere de poûsser pour qe tertout araent les mémes chances ét d’aïder a chaqhun de s’atrére le mieûs q’i peut és ajeûs orinës des pâssaijes (societaos, d’entour, patrimoueniaos e economiqes).

Caniqes de pllastiqe : la Rejion Bertègn recllame la traçaijetë des contenouérs en mè

Le Consail rejiona de Bertègn recllame a la France, l’Assembllée des Rejions de mè de l’entour, e l’Union Uropeyene, de fére de cai pour qe n-i araet un dessignalement de tous les contenouérs chaent a la mè, chaot pâs c’qe n-i a deden ; un grayement enternaçiona ben cller de parcontaije des contenouérs chaent a la mè o de cai qe n-i a deden ; l’obllije qe chaqe contenouer araet un grayement de jeyolocalizézon, qe l’etat cotier le pus perchain pouraet empllayer si qe n-i a un contenouer a y’étr depouchë e, pour crouiller l’afére, la       Bertègn recllame de runjer tertout su eene mayenerie pour indamenizer l’etat cotier en tout câs qe n-i araet de l’ensouirie céz li.

Le Consail rejiona de Bertègn prie etout les qemunes e enter-qemunes des ebords de mè de Bertègn qi ne sont pâs core deden a ahèrder ao sindicat mélayë Vigipol a sour fin de forci la souéte des aguerouées bertones de payiz a luter contr les ensouiries mèritimes

Lére le veû « Pour ene traçaijetë des contenouérs chaent en mè »

Pour aler pus lein

Partager :

Notre actualité

Toutes nos banies

Arout'ous a notr lettr de ghiments