Filtre en cours : 2016
En dalc’h-se e oa bet an dilennidi-rannvro o termeniñ linennoù bras budjed 2017 hag a vo votet, programm ha programm, a-benn an 9, 10 hag 11 a viz C’hwevrer. Lakaet e oa bet ar gaoz ivez war emdroadur ar politikerezh tiriadel, war ar brastres evit savadurioù al liseoù publik ha war ar steuñv bezhin glas nevez.
Evit ar 27vet gwech e oa bet aozet Trofeoù ar sport ha garedonet ar gwellañ atletourien o deus kaset uhel livioù Breizh war ar podiomoù. Grit anaoudegezh gant al loreidi ha sellit ouzh al lid e bretagne.bzh !
Gouel Breizh a vo lidet adarre, evit an 9vet gwezh, etre an 13 hag an 21 a viz Mae 2017. Da c’hortoz e c’hellit ober anaoudegezh gant an 38 kenstriver a zo bet dibabet da-heul galv da raktresoù ar Rannvro en hañv paseet. Ha c’hwi hoc’h eus ur raktres ivez ? Deuit diouzhtu e-barzh ar roll-abadennoù ha roet e vo skoazell deoc’h evit brudañ ar gouel.
Kef ar fiziadoù, gant kenlabour Rannvro Breizh, a ro skoazell d’ar savenn arc’hantaouiñ a-stroll GwenneG. Ur mod arc’hantaouiñ nevez evit sikour raktresoù an embregerezhioù.
Abadenn vras an distro eo evit an neveziñ, ha gouestlet eo d’an embregerezhioù ha da oberourien an neveziñ. Goude ma oa bet graet berzh gant an abadenn gentañ warlene e Roazhon e aoz Breizh Diorren Neveziñ « 360 tra hag a c’haller ober, an neveziñ er mod BZH » un eil gwech, d’ar 7 ha d’an 8 a viz Here e Brest.
Seizh raktres evit ar c’hresk glas zo e-touez ar 174 raktres dibabet da-heul ar galv da raktresoù broadel « Oberennoù EBE » evit an treuzkemm energetek hag ekologel (programm broadel a bostadurioù evit an amzer-da-zont).
Emañ Isabelle Pellerin, besprezidantez ar Rannvro karget eus al liseoù, oc’h echuiñ he zroiad gweladennoù distro-skol evit priziañ oberoù fetis ar strollegezh e liseoù Breizh. D’ar Meurzh 11 a viz Here e oa e lise mor ar Gelveneg hag e lise Yann-Vari ar Brizh e Douarnenez, e Su Penn-ar-Bed.
Sinet eo bet ar gevrat-steuñv 2015-2020 gant ar Stad hag ar Rannvro ! 1,2 miliard a euroioù zo raktreset evit diorren Breizh, gant peder fennaenn kendivizet : fiñvusted war an hentoù hag an hentoù-houarn, enklask ha neveziñ, treuzkemm ekologel ha doare energiezh, tiriadoù ha diorren niverel.
Ar programm Breizh kas uhel-kenañ, ar gefridi nevez evit a sell ouzh an implij, ar filierenn sibersurentez e Breizh... : videoioù ar c’hendivizoù hag ar pep pouezusañ eus an danevelloù ha divizadoù da-geñver dalc’h ar C’huzul-rannvro.
Lavaret e oa bet d’ar gevelerien bublik, d’ar re brevez ha d’ar c’hevredigezhioù dont da Roazhon d’ar 15 a viz Here evit Emgavioù rannvroel ar brezhoneg. Un abadenn evit ober ar bilañs eus ar politikerezh-yezh lakaet war-sav gant ar Rannvro.
Suivez la région bretagne sur :
Abonnez-vous à la lettre d'infos hebdo. :
Français