Ôtë de la Bertègn a Paris

Crédit : Adobe Stock

La Bertègn ét terjou aossi perzente a Paris, a Montparnasse permier. Aossi ben pour c’qe n-i a de l’economie come pour c’qe n-i a de la qhulture. Les rezilles bertones, net alantes !, e les fameûzes de fétes bertones qi sont donées châqe anée en sont ben les marqes. Ét ao qheur de la tréve-la qe le Consail Rejiona de Bertègn a levë son tenement d’efouilles

Cârée des efouilles

Grayement minz ao bada des fezous bertons (enterprinzes, consorteries, afétûres publliqes, agerouées de payiz, medias, …), l’ôtë de la Bertègn ét un relae a Paris de tout le cai q’ét menë en Bertègn. L’ôtë-la se tient a deûz qhulbutées touéz encalées de la gare Montparnasse, ét don ben d’amain d’y aler en train depés toute la Bertègn. O la rèle a Grande Ardoure,temp le monde vont de la Bertègn a Paris en la demi d’eune oure de temp admézë, ét don un leu de permiere !

Pour atermer votr sale!

Den la cârée d’efouilles de l’ôtë de la Bertègn n-i a puzieurs sales d’assembllées, depés des sales pour 5/6 bounes jens diq’a des sienes pour 18/20. En pus d’ela, n-i a eune aïre de precherie q’ét, yelle, grande assë pour n-n’acouilli 56 ! Toutes les sales-la sont grayées de videyo-pourjeterie e d’internet (n-i a etout meyen d’amarer un grayement d’entr-vaercaozerie den d’aoqhunes sales).

Pour atermer eune sale :

  • Papier de ghiment en dret (tiqéz su le nouviao papier de demande)
  • Haopouer :  01.53.63.11.50

Ben d’amain :

L’ôtë ét debarée a 9 oures a matin e la barre ét minze a 6 oure ao sair, du lundi diq’ao venderdi (faot se promettr, meins). N-i a meyen d’atermer en dehô de la pâssée d’ouverture-la, le samadi ou la sairée parème. Faot se promettr un p’tit paravant meins, e faot mettr un p’tit su la galoche

Ôtë de la Bertègn
8 vae de l’arrivée
75015 PARIS
maisondelabretagne@bretagne.bzh

Toutes nos banies

Arout'ous a notr lettr de ghiments